အပြင်အဆင်အလန်းစားနဲ့ သန်လျှင်က Palm Wine Bar

ထန်းရည်ကို အဆင့်မြင့်မြင့်နဲ့ အေးအေးဆေးဆေး ဇိမ်နဲ့သောက်ချင်တယ်ဆိုရင်တော့ သန်လျှင် Star City ထဲက Palm Wine Bar & Restaurant ကိုရွေးသင့်ပါတယ်။ သန့်ရှင်းပြီး သူငယ်ချင်းတွေစုပြီး သွားလို့ကောင်းမယ့်နေရာတစ်ခုပါ။

ဆိုင်မှာ ထန်းရည်အပြင် မြန်မာအစားအသောက် ဆန်းဆန်းပြားပြားလေးတွေရနိုင်ပါသေးတယ်။ ထန်းသီးကြော်၊ ဗူးသီးကြော်၊ ခရမ်းသီးကြွပ်ကြော်၊ ကော်ပြန့်ကြော်တို့ရပါတယ်။ နောက်ထပ်ရွေးချယ်စရာတစ်ခုက ထန်းရည်အပြင် Classical Cocktail အစုံ၊ ဘီယာတွေလည်းရလို့ သောက်စရာအတွက်ကတော့ ရွေးစရာအများကြီးရှိပြီး အဆင်ပြေတယ်။

အခုထန်းရည်အကြောင်းနဲ့စဖွင့်ရရင် လာချပေးတဲ့ ပုလင်းပုံစံလေးက ဆွဲဆောင်မှုရှိတယ်၊ ချစ်ဖို့ကောင်းတယ်။ ဒါပေမယ့် ထန်းရည်ရဲ့ အရသာကတော့ ထူးပြီးပြောရလောက်အောင် မရှိဘူး။ သေချာတာတစ်ခုက အရောအနှောကင်းတဲ့အရသာဖြစ်လို့ စိတ်ချလက်ချသောက်လို့ရတယ်။ အညာထန်းရည်တို့ မော်လမြိုင်တို့ရဲ့ taste ကို မရတာတော့ ရေမြေအနေအထားကြောင့်လို့ပဲလို့ ကောက်ချက်ချလို့ရတယ်။ ထန်းရည်နဲ့အတူရောချပေးတဲ့ မြေပဲအစပ်ကြော်ကတော့ စားလို့ကောင်းတယ်။ တစ်ပွဲကို ၂၅၀၀ ကျပ်ပါ။

အမြည်းမှာစားဖြစ်ခဲ့တဲ့ ကော်ပြန့်ကြော်ပူပူလေးကတော့ တကယ်သဘောကျဖို့ကောင်းတယ်။ တစ်ပွဲ ၃၅၀၀ ပါ။ ဆတ်သားခြောက်သုပ်လည်း စားလို့ကောင်းတယ်ဆိုတဲ့ အရသာလို့ ဆိုနိုင်ပါတယ်။ တစ်ပွဲ ၅၀၀၀ ကျပ်ဖြစ်ပါတယ်။

ဆိုင်က သန်လျှင်တံတားအဆင်းက Star City ထဲမှာရှိပြီး ကိုယ်ပိုင်ကားနဲ့သွားမှ အဆင်ပြေနိုင်မှာပါ။ ဆိုင်တွင်းအပြင်အဆင်မှာ ရှေးဟောင်းမြန်မာဓာတ်ပုံတွေနဲ့ အလှဆင်ထားပြီး ဓာတ်ပုံရိုက်လို့ကောင်းပါတယ်။ ကဲပိတ်ရက်မှာ ဘယ်သွားရမလဲစဉ်းစားနေတဲ့ မိတ်ဆွေတွေအတွက် ထန်းရည်ဆိုင်တစ်ဆိုင် အလင်းပြလိုက်ပါတယ်။