မြေနီကုန်းက အစားအသောက်စုံလင်တဲ့ ဆိုင်ကောင်းလေးတစ်ဆိုင်

အစားအသောက်ဆိုင်တွေပေါတဲ့ မြေနီကုန်းပတ်ဝန်းကျင်မှာ တစ်နေရာထဲနဲ့ အစားအသောက်ကောင်းကောင်း စုံစုံလင်လင်စားချင်တယ်ဆိုရင်တော့ မြစံပါယ် ကိုသွားကြည့်ဖို့ ညွှန်းလိုပါတယ်။

ဆိုင်မှာ မြန်မာအစားအစာ၊ တရုတ်အစားအစာနဲ့ ကော်ဖီ၊ ကိတ်မျိုးစုံရတာကြောင့် တစ်နေရာထဲနဲ့စားချင်တာစားလို့ရတဲ့ ဆိုင်လေးတစ်ဆိုင်ပါ။ ဒီတစ်ခေါက်ရောက်သွားရင်း စားဖြစ်ခဲ့တာလေးတွေကတော့ ကြေးအိုးဆီချက်၊ လဘက်ထမင်း၊ ဖာလူဒါနဲ့ လဘက်ရည်တို့ပဲဖြစ်ပါတယ်။

ကြးအိုးဆီချက်အရသာက စားလို့အဆင်ပြေတယ်လို့ ဆိုရမှာဖြစ်ပြီး သာမာန်လဘက်ရည်ဆိုင်က ကြေးအိုးထက်တော့ လုံးဝသာပါတယ်။ ကြေးအိုးသီးသန့်ရောင်းချတဲ့ ဆိုင်တွေလောက်တော့ ထူးကဲတဲ့အရသာတော့ မရှိပါဘူး။ တစ်ပွဲကို ၃၀၀၀ ကျပ်ဖြစ်ပြီး ဈေးနဲ့ အရသာတန်တယ်လို့ ဆိုရပါမယ်။

ကျန်တဲ့ လဘက်ထမင်းနဲ့ ဖာလူဒါတွေလည်းစားရအဆင်ပြေပြီး ဆိုင်မှာ ရွေးချယ်စရာ အစားအသောက်တော်တော်များတာကြောင့် အ၀စားချင်သူအတွက်ရော အချိုတည်းချင်တဲ့သူအတွက်ပါ အဆင်ပြေပါတယ်။ ဒီဆိုင်ကို သဘောကျမိတဲ့အချက်ထဲမှာ ဆိုင်နေရာကျယ်ဝန်းတာလည်း အပါအ၀င်ဖြစ်ပါတယ်။